திரையரங்குகளில் படம் பார்ப்பது ஒரு காலத்தில் அனைவரின் வாடிக்கையாக இருந்தது. ஆனால் இப்போது இருக்கும் வாழ்க்கை சூழல் மற்றும் செலவுகளைக் கருத்தில்கொண்டு, பெரும்பாலானோர் குடும்பத்துடன் வீட்டிலிருந்தே திரைப்படங்கள் மற்றும் வெப் சீரிஸ்களை கண்டுகளிக்க விரும்புகின்றனர். ரசிகர்களின் இந்த விருப்பத்தை பூர்த்தி செய்யும் விதமாக, ஒவ்வொரு வாரமும் பல புதிய படைப்புகள் ஓடிடி தளங்களில் வெளியாகின்றன. அந்த வகையில், கடந்த நான்காம் தேதி முதல் வரும் பத்தாம் தேதி வரை வெளியாகியுள்ள, மற்றும் வெளியாகவிருக்கும் படைப்புகள் குறித்த விவரங்கள் இதோ.
திரைப்படங்கள்:
- பறந்து போ: இயக்குநர் ராம் இயக்கத்தில் மிர்ச்சி சிவா நடித்த இந்தத் திரைப்படம், திரையரங்குகளில் வெளியானது. எதிர்பார்த்த அளவு வெற்றி பெறவில்லை என்றாலும், ரசிகர்களால் ஓரளவு கொண்டாடப்பட்டது. இந்தத் திரைப்படம் கடந்த ஐந்தாம் தேதியிலிருந்து ஜியோ சினிமா ஓடிடி தளத்தில் ஒளிபரப்பாகி வருகிறது.
- யாதும் அறியான்: த்ரில்லர் ஜானரில் உருவாகியுள்ள இந்தப் படத்தில் தம்பி ராமையா, அப்புக்குட்டி, தினேஷ் உள்ளிட்ட பலர் நடித்துள்ளனர். இந்தப் படம் நாளை முதல் ஆஹா ஓடிடி தளத்தில் வெளியாகிறது.
- ஓஹோ எந்தன் பேபி: நடிகர் விஷ்ணு விஷாலின் தம்பி ருத்ரா முக்கிய கதாபாத்திரத்தில் நடித்துள்ள இந்தப் படம், நாளை முதல் நெட்ஃப்ளிக்ஸ் தளத்தில் ஸ்ட்ரீம் ஆகிறது.
- நத்திமாமன்: திரையரங்குகளில் கலவையான விமர்சனங்களைப் பெற்ற இந்தப் படம், நாளை முதல் ஜீ 5 ஓடிடி தளத்தில் வெளியாகிறது.
வெப் சீரிஸ் மற்றும் பிற மொழிப் படங்கள்:
- வெனஸ்டே சீசன் 2: ரசிகர்களால் பெரிதும் எதிர்பார்க்கப்பட்ட இந்த வெப் சீரிஸின் இரண்டாம் பாகம், நேற்று முதல் நெட்ஃப்ளிக்ஸ் தளத்தில் ஒளிபரப்பாகி வருகிறது.
- மாயசபா (தெலுங்கு): தெலுங்குத் திரைப்படமான மாயசபா, இன்று முதல் சோனி லிவ் ஓடிடி தளத்தில் ஸ்ட்ரீம் ஆகிறது.
திரையரங்குகளுக்கு சென்று பார்க்க முடியாதவர்கள், வார இறுதி நாட்களை இதுபோன்ற புதிய திரைப்படங்கள் மற்றும் வெப் சீரிஸ்களுடன் வீட்டில் இருந்தே கொண்டாடி மகிழலாம். இந்த வார இறுதியில் நீங்கள் எந்தப் படத்தைப் பார்க்கப் போகிறீர்கள்?
