ரஷ்ய எரிசக்தி பிரதி அமைச்சர் ரோமன் மார்ஷவின் (Roman Marshavin) மூன்று நாள் அதிகாரபூர்வ விஜயமாக இன்று இலங்கையை வந்தடைந்தார்.
பிரதி அமைச்சர் மார்ஷவின் தலைமையிலான ரஷ்ய தூதுக்குழுவினர் இன்று காலை சுமார் 10:52 மணியளவில் கட்டுநாயக்க, பண்டாரநாயக்க சர்வதேச விமான நிலையத்தை (BIA) வந்தடைந்தனர். விமான நிலையத்தில், பொருளாதார அபிவிருத்தி பிரதி அமைச்சர் நிஷாந்த ஜயவீர மற்றும் இலங்கையிலுள்ள ரஷ்ய தூதுவர் லெவன் எஸ். ஜகார்யன் (Levan S. Dzhagaryan) ஆகியோர் தூதுக்குழுவினரை வரவேற்றனர்.
ரஷ்யாவிலிருந்து எரிபொருள் விநியோகத்தைப் பெற்றுக்கொள்வதற்கான உத்தியோகபூர்வ அரச மட்டப் பேச்சுவார்த்தைகள் ஏற்கனவே ஆரம்பிக்கப்பட்டுள்ளதாக அமைச்சரவைப் பேச்சாளர் அமைச்சர் கலாநிதி நலிந்த ஜயதிஸ்ஸ இந்த வார தொடக்கத்தில் தெரிவித்திருந்தார். அரச மட்ட ஒப்பந்தங்கள் மூலம் எரிபொருளைப் பெற்றுக்கொள்வதற்கான சாத்தியக்கூறுகள் குறித்து அரசாங்கம் தற்போது கவனம் செலுத்தி வருவதாகவும், இது தொடர்பான அரச மட்டக் கலந்துரையாடல்கள் ஏற்கனவே ஆரம்பிக்கப்பட்டுள்ளதாகவும் அவர் கூறியிருந்தார். ரஷ்ய எரிசக்தி பிரதி அமைச்சரின் விஜயத்தின் போது இது தொடர்பில் கலந்துரையாடல்கள் இடம்பெறும் என எதிர்பார்க்கப்படுவதாகவும் அவர் உறுதிப்படுத்தியிருந்தார்.
