3,900 மெற்றிக்தொன் திரவ பெட்ரோலிய எரிவாயுவை (LPG) ஏந்திய கப்பல் ஒன்று இன்று (அக்டோபர் 18) இலங்கையை வந்தடையவுள்ளதாக லிட்ரோ கியாஸ் லங்கா நிறுவனம் (Litro Gas Lanka Limited) அதிகாரப்பூர்வமாக அறிவித்துள்ளது.
கப்பல் வந்தடைந்தவுடன் எவ்வித தாமதமுமின்றி எரிவாயுவை இறக்கும் பணிகள் (Unloading operations) உடனடியாக ஆரம்பிக்கப்படும் என அந்நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளது.
கூடுதல் சிலிண்டர்கள் விநியோகம்:
இந்த எரிவாயுச் கப்பலின் வருகையைத் தொடர்ந்து, எதிர்வரும் மூன்று நாட்களுக்குள் சந்தைக்கு மேலும் 350,000 உள்நாட்டு எரிவாயு சிலிண்டர்களை விநியோகிக்க லிட்ரோ நிறுவனம் திட்டமிட்டுள்ளது. அத்துடன், நாடு முழுவதும் எரிவாயு விநியோகத்தைத் தடையின்றிப் பேணுகின்ற நடவடிக்கைகளின் ஒரு பகுதியாக, கடந்த மூன்று நாட்களில் மற்றும் இன்று வரை மேலும் 350,000 உள்நாட்டு எரிவாயு சிலிண்டர்கள் சந்தைக்கு விடுவிக்கப்பட்டுள்ளதாகவும் நிறுவனம் சுட்டிக்காட்டியுள்ளது.
எரிவாயு தட்டுப்பாடு குறித்துப் பொதுமக்கள் அச்சமடைந்து தேவையின்றிச் சிலிண்டர்களைச் சேகரித்து வைப்பதைத் தவிர்க்குமாறு லிட்ரோ கியாஸ் நிறுவனம் மீண்டும் அன்புடன் கேட்டுக்கொண்டுள்ளது.
