கடந்த இரு ஆண்டுகளில் நம்பகத்தன்மையைக் குறைக்கும் எந்தச் செயலையும் அரசாங்கம் செய்யவில்லை!”

கடந்த இரண்டு ஆண்டுகளில் அரசாங்கத்தின் நம்பகத்தன்மையைக் குறைக்கும் வகையிலான அல்லது மக்களின் நம்பிக்கையை மீறும் வகையிலான எந்தவொரு நடவடிக்கையையும் அரசாங்கம் முன்னெடுக்கவில்லை என நிதி மற்றும் திட்டமிடல் பிரதி அமைச்சர் கலாநிதி அனில் ஜயந்த பெர்னாண்டோ (Dr. Anil Jayantha Fernando) தெரிவித்துள்ளார்.

எனவே, பொது மக்கள் அரசாங்கத்தின் செயற்பாடுகள் மீதும், அதன் கொள்கைகள் மீதும் தொடர்ந்தும் தங்களது முழுமையான நம்பிக்கையை வைக்க வேண்டும் என அவர் மேலும் வலியுறுத்தியுள்ளார். சீரான நிர்வாகத்தை முன்னெடுப்பதற்கு மக்களின் ஆதரவு மிகவும் அவசியமானது என்பதையும் அவர் இதன்போது சுட்டிக்காட்டினார்.

ஜா-எல, ஏகல (Ekala, Ja-Ela) பகுதியில் புதிதாக நிர்மாணிக்கப்பட்ட மெற்றோ பஸ் டிப்போவின் (Metro Bus Depot) செயற்பாடுகளை உத்தியோகபூர்வமாக ஆரம்பித்து வைக்கும் நிகழ்வில் கலந்து கொண்டு உரையாற்றும் போதே பிரதி அமைச்சர் கலாநிதி அனில் ஜயந்த பெர்னாண்டோ இந்த கருத்துக்களை வெளியிட்டார்.