சென்னை: தமிழ்நாடு சட்டசபை தேர்தலுக்கான வாக்கு எண்ணிக்கை இன்று காலை முதல் விறுவிறுப்பாக நடைபெற்று வருகிறது. மதியம் 12:05 மணி நிலவரப்படி வெளியாகி உள்ள வாக்கு எண்ணிக்கை தரவுகள், தமிழக அரசியல் களத்தில் மிகப்பெரிய அதிர்வலையை ஏற்படுத்தியுள்ளன.
மொத்தமுள்ள 234 தொகுதிகளில், விஜய் தலைமையிலான தமிழக வெற்றிக் கழகம் (தவெக) 106 தொகுதிகளில் முன்னிலை வகித்து வரலாற்றுச் சாதனையுடன் முதலிடத்தில் உள்ளது. கடந்த தேர்தலை விட இது 106 இடங்கள் அதிகமாகும்.
மறுபுறம், தமிழகத்தின் பாரம்பரிய திராவிடக் கட்சிகள் பெரும் சரிவைச் சந்தித்துள்ளன. அதிமுக கூட்டணி 8 இடங்கள் சரிந்து, 67 தொகுதிகளில் முன்னிலையுடன் இரண்டாம் இடத்தில் உள்ளது. ஆளுங்கட்சியான திமுக கூட்டணி கடும் பின்னடைவைச் சந்தித்து, 98 இடங்கள் சரிந்து வெறும் 61 தொகுதிகளில் மட்டுமே முன்னிலை வகிக்கிறது. சீமான் தலைமையிலான நாம் தமிழர் கட்சி (நாதக) இதுவரை எந்த தொகுதியிலும் முன்னிலை பெறவில்லை.
வாக்கு எண்ணிக்கை தொடர்ந்து நடைபெற்று வருவதால், அடுத்தடுத்த சுற்றுகளில் இறுதி முடிவுகள் அதிகாரப்பூர்வமாக அறிவிக்கப்படும் என எதிர்பார்க்கப்படுகிறது.
