நாட்டின் பெரும்பாலான பகுதிகளில் மழை தொடரும்: எச்சரிக்கை
இலங்கையைச் சூழவுள்ள பிராந்தியங்களில் நிலவும் வளிமண்டலத் தளம்பல் நிலை காரணமாக, நாடெங்கிலும் தற்போது நிலவும் மழை நிலைமை அடுத்த சில நாட்களுக்கும் தொடரும் என எதிர்பார்க்கப்படுகிறது.
இன்றைய மழை நிலவரம்:
நாட்டின் பெரும்பாலான பிரதேசங்களில் பிற்பகல் 1:00 மணிக்குப் பின்னர் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது.
- மேல், வடமேல் மற்றும் வடக்கு மாகாணங்களிலும் திருகோணமலை, காலி மற்றும் மாத்தறை மாவட்டங்களிலும் காலை வேளையிலும் மழை பெய்யும் என எதிர்பார்க்கப்படுகின்றது.
- சப்ரகமுவ, மத்திய, ஊவா, தென் மற்றும் வடமத்திய மாகாணங்களில் சில இடங்களில் 75 மி.மீ க்கும் அதிகமான ஓரளவு பலத்த மழைவீழ்ச்சி எதிர்பார்க்கப்படுகின்றது.
காற்றும் பனிமூட்டமும்:
- வடக்கு மற்றும் வடமத்திய மாகாணங்களிலும் ஹம்பாந்தோட்டை மாவட்டத்திலும் அவ்வப்போது மணித்தியாலத்துக்கு 30-40 கிலோ மீற்றர் வரையான வேகத்தில் ஓரளவு பலத்த காற்று வீசக் கூடும் என எதிர்பார்க்கப்படுகின்றது.
- மத்திய, சப்ரகமுவ மற்றும் ஊவா மாகாணங்களில் சில இடங்களில் அதிகாலை வேளையில் பனிமூட்டமான நிலை காணப்படும் என எதிர்பார்க்கப்படுகின்றது.
எச்சரிக்கை:
இடியுடன் கூடிய மழை பெய்யும் வேளைகளில், அப் பிரதேசங்களில் தற்காலிகமாக வீசக் கூடிய பலத்த காற்று மற்றும் மின்னல் தாக்கங்களினால் ஏற்படக்கூடிய பாதிப்புகளைக் குறைத்துக்கொள்ளத் தேவையான முன்னெச்சரிக்கை நடவடிக்கைகளை எடுத்துக் கொள்ளுமாறு பொதுமக்கள் அறிவுறுத்தப்படுகின்றார்கள்.
மேலதிக விபரங்களுக்கு:
வெப்பநிலை: குறைந்தபட்சம் 24°C முதல் அதிகபட்சம் 31°C வரை. ஈரப்பதம்: அதிகபட்சம் 92%. கடல் நிலை: நாட்டைச் சூழவுள்ள கடல் பகுதிகள் ஓரளவு கொந்தளிப்பாகக் காணப்படும்.
