சென்னை: பிக் பாஸ் தமிழ் சீசன் 9 நிகழ்ச்சி தொடங்கிய மூன்றாவது வாரத்திலேயே வீட்டின் போட்டியாளர்களுக்கு இடையே கடுமையான மோதல்கள் வெடிக்கத் தொடங்கியுள்ளன. இதில் ரசிகர்களுக்கு மிகவும் அதிர்ச்சி அளிக்கும் விதமாக, வி.ஜே. பார்வதிக்கும், வாட்டர் மெலன் ஸ்டார் திவாகருக்கும் இடையில் உணவுப் பிரச்சினை காரணமாகப் பெரிய சண்டை வெடித்துள்ளது.
திவாகரின் சர்ச்சைக்குரிய நடவடிக்கைகள்
கடந்த இரண்டு வாரங்களாக திவாகரை ‘அண்ணா’ என்று அழைத்து வந்த பார்வதியை, திவாகர் ‘டார்லிங்’ என்று அழைப்பது, “யாரோ உன்னைத் திருமணம் செய்துகொள்வதற்கு, நான் உன்னைத் திருமணம் செய்து கொள்வேன்” என்று பேசுவது என எல்லை மீறிய நடவடிக்கைகளில் ஈடுபட்டு வந்தார்.
இதுபோக, திவாகர் வீட்டில் இருக்கும் மற்ற பெண் போட்டியாளர்கள் சிலரிடமும், குறிப்பாக அரோராவிடமும், அத்துமீறி நடந்து கொள்கிறார் என்ற குற்றச்சாட்டும், அது தொடர்பான வீடியோக்களும் இணையத்தில் பரவி வருகின்றன.
சண்டை மற்றும் ரெட் கார்ட் வதந்தி
அக்டோபர் 22ஆம் தேதி பிக் பாஸ் தரப்பால் வெளியிடப்பட்ட இரண்டாவது ப்ரோமோவில், திவாகரைப் பார்த்து பார்வதி, “உனக்காக நான் என்னவெல்லாம் பேசியிருக்கேன் என்று எனக்குத் தெரியும், அதனால் என்னால் செய்ய முடியாது” என்று கூறிவிட்டு, சக ஆண் போட்டியாளர் ஒருவர் சமாதானப்படுத்த முயற்சித்தபோது, “ஏய்.. போடா” என்று கோபத்தின் உச்சத்துக்கே சென்று கத்துகிறார்.
சண்டையின் காரணம்: பார்வதி, திவாகரைப் பார்த்து, “உனக்காக எக்ஸ்ட்ரா சாப்பாடு எல்லாம் தருகிறார்கள் தானே?” என்று கேட்க, திவாகரோ, “உனக்கு சாப்பாடே கொடுக்கவில்லையா? சும்மா சீன் போடாத” என்று கத்துகிறார்.
திவாகரின் சமீபத்திய நடவடிக்கைகளால் அவரது இந்த அப்ரோச்சை தவிர்க்கவே பார்வதி இவ்வாறு கோபத்தை வெளிப்படுத்திச் சண்டை போட்டிருக்க அதிக வாய்ப்புகள் உள்ளதாக ரசிகர்கள் சமூக வலைத்தளங்களில் பேசி வருகின்றனர். திவாகரின் தொடர்ச்சியான இந்தச் சர்ச்சைகள், சீசனின் ஆரம்பத்திலேயே ‘ரெட் கார்ட்’ விவாதம் ரசிகர் மத்தியில் கிளம்பக் காரணமாகியுள்ளது.
