சிட்னி, டிசம்பர் 16: சிட்னி, போண்டி கடற்கரையில் (Bondi Beach) இடம்பெற்ற துப்பாக்கிச் சூட்டுச் சம்பவத்துடன் தொடர்புடையவர்கள் எனக் கருதப்படும் இரண்டு சந்தேக நபர்களும் கடந்த மாதம் பிலிப்பைன்ஸிற்குப் பயணம் மேற்கொண்டுள்ளதாக அவுஸ்திரேலியப் பொலிஸார் இன்று (செவ்வாய்க்கிழமை) தெரிவித்துள்ளனர். அவர்களின் இந்தப் பயணத்துக்கான காரணம் குறித்து விசாரணை நடத்தப்பட்டு வருவதாகப் பொலிஸார் குறிப்பிட்டுள்ளனர்.
விசாரணையில் தெரியவந்தவை:
- ஐ.எஸ். அமைப்புடன் தொடர்பு?: இந்தச் சந்தேக நபர்கள் இஸ்லாமிய அரச (Islamic State – IS) அமைப்பின் சித்தாந்தங்களால் ஈர்க்கப்பட்டிருக்கலாம் என ஆரம்பகட்ட விசாரணைகள் மூலம் தெரியவந்துள்ளதாகப் பொலிஸார் தெரிவித்துள்ளனர்.
- ஐ.எஸ். கொடிகள் மீட்பு: சந்தேக நபர்களில் ஒருவர் பயன்படுத்திய வாகனத்திலிருந்து வீட்டில் தயாரிக்கப்பட்ட இரண்டு ஐ.எஸ். கொடிகள் (two homemade Islamic State flags) கண்டுபிடிக்கப்பட்டுள்ளதாகவும் பொலிஸார் மேலும் தெரிவித்துள்ளனர்.
