சாட்பாட் (Chatbot) சகாப்தம் முடிவுக்கு வருகிறதா? கூகுள் நிறுவனத்தின் புதிய செயற்கை நுண்ணறிவுப் படைப்பான ‘ஜெமினி ஸ்பார்க்’ (Gemini Spark) அப்படியான ஒரு பிரம்மாண்டமான பாய்ச்சலை நிகழ்த்தியுள்ளது. இதுவரை நாம் கேள்வி கேட்டால் மட்டுமே பதிலளித்து வந்த ஏஐ, இனி நமக்கு என்ன தேவை என்பதைப் புரிந்துகொண்டு, திரைக்குப் பின்னால் 24 மணி நேரமும் நமக்காகவே உழைக்கும் ஒரு ‘டிஜிட்டல் உதவியாளராக’ மாறியுள்ளது.
சமீபத்தில் நடந்து முடிந்த கூகுள் I/O 2026 நிகழ்வில் அறிவிக்கப்பட்ட இந்த ஜெமினி ஸ்பார்க், தற்போது அமெரிக்காவில் உள்ள கூகுள் ஏஐ அல்ட்ரா (Google AI Ultra) சந்தாதாரர்களின் பயன்பாட்டிற்கு அதிகாரப்பூர்வமாக வெளியிடப்பட்டுள்ளது.
ஜெமினி ஸ்பார்க் என்றால் என்ன? வழக்கமான ஜெமினி ஏஐ, கன்டென்ட் உருவாக்குவதிலும் கேள்விகளுக்குப் பதிலளிப்பதிலும் கவனம் செலுத்தியது. ஆனால், ஸ்பார்க் முழுவதுமாகத் தன்னியக்க செயல்பாடுகளைக் (Autonomous operations) கொண்டது. நீங்கள் கட்டளையிடுவதற்காக இது காத்திருக்காது; ஜெமினி வெப்பில் உள்ள பிரத்யேக டேப் (Tab) மூலம், உங்கள் முழு டிஜிட்டல் வாழ்க்கையையும் இது தன்னிச்சையாகக் கவனித்துக் கொள்ளும்.
கூகுள் ஒர்க்பேஸ் உடன் நேரடி இணைப்பு மற்ற ஏஐ அசிஸ்டென்ட்டுகளிடம் இருந்து ஸ்பார்க்கைத் தனித்துக்காட்டுவது அதன் கூகுள் ஈகோசிஸ்டம் (Google ecosystem) ஒருங்கிணைப்புதான். ஜிமெயில், கூகுள் காலண்டர், டிரைவ், டாக்ஸ், ஷீட்ஸ் மற்றும் ஸ்லைட்ஸ் போன்ற அனைத்து செயலிகளுடனும் இது பிணைக்கப்பட்டுள்ளது. இதனால், மீட்டிங்களை திட்டமிடுவது, மின்னஞ்சல்களைத் தேடி சுருக்கம் தருவது, புதிய டாக்குமெண்ட்கள் அல்லது ஸ்ப்ரெட்ஷீட்களை உருவாக்குவது என பல வேலைகளை நீங்கள் கேட்காமலேயே இது செய்து முடிக்கும்.
ரிமோட் பிரவுசிங் வசதி இதன் மிக முக்கியமான அம்சம் இணையப் பயன்பாடு ஆகும். நீங்கள் லாக்-இன் செய்துள்ள வலைத்தளங்களுக்குள் நுழைந்து, உங்கள் சார்பாகப் படிவங்களை நிரப்புவது, தகவல்களைத் திரட்டுவது போன்ற வேலைகளை இது செய்யும். இதற்காக நீங்கள் ஒவ்வொரு முறையும் கிளிக் செய்ய வேண்டிய அவசியமில்லை.
லேப்டாப்பை மூடினாலும் வேலை நடக்கும்! ஜெமினி 3.5 தொழில்நுட்பத்தில் இயங்கும் ஸ்பார்க், கிளவுட் அடிப்படையிலான விர்ச்சுவல் மெஷின்களைப் (Virtual Machines) பயன்படுத்துகிறது. எனவே, நீங்கள் உங்கள் லேப்டாப்பை மூடிவிட்டாலோ அல்லது ஸ்மார்ட்போனை லாக் செய்துவிட்டாலோ கூட, ஸ்பார்க் பின்னணியில் தொடர்ந்து வேலை செய்து கொண்டே இருக்கும்.
தற்போது அமெரிக்காவில் மட்டுமே அறிமுகமாகியுள்ள இந்த ‘ஜெமினி ஸ்பார்க்’, எதிர்காலத்தில் ஒட்டுமொத்த ஏஐ தொழில்நுட்பத்தின் திசையையே மாற்றக்கூடிய ஒரு மாபெரும் தொடக்கமாகப் பார்க்கப்படுகிறது.
