கொழும்பு:
இலங்கை மத்திய வங்கி வெளியிட்டுள்ள சமீபத்திய நாணய மாற்று விகித அறிக்கையின்படி, அமெரிக்க டொலருக்கு நிகரான இலங்கை ரூபாவின் மதிப்பு மேலும் வீழ்ச்சியடைந்துள்ளது. இதன்படி, ஒரு அமெரிக்க டொலரின் விற்பனை விலை 354 ரூபாவைத் தாண்டி பதிவாகியுள்ளது.
இலங்கை மத்திய வங்கியின் நேற்றைய (20) உத்தியோகபூர்வ தரவுகளின் அடிப்படையில், அமெரிக்க டொலர் ஒன்றின் கொள்வனவு விலை 342.6353 ரூபாவாகவும், விற்பனை விலை 354.0350 ரூபாவாகவும் நிர்ணயிக்கப்பட்டுள்ளது.
பொருளாதார நெருக்கடியில் இருந்து மெல்ல மெல்ல மீண்டு வரும் தற்போதைய சூழ்நிலையில், டொலருக்கு நிகரான ரூபாவின் இந்தத் தொடர்ச்சியான வீழ்ச்சி சந்தையில் இறக்குமதிப் பொருட்களின் விலைகளில் மீண்டும் தாக்கத்தை ஏற்படுத்தக்கூடும் எனப் பொருளாதார ஆய்வாளர்கள் சுட்டிக்காட்டுகின்றனர்.
