செவித்திறன் குறைந்த சமூகத்தினர் பொலிஸ் அவசர அழைப்புப் பிரிவான 119-க்கு அவசர முறைப்பாடுகளை வழங்குவதற்கு வசதியாக இலங்கை பொலிஸார் விசேட வாட்ஸ்அப் காணொளி (WhatsApp video) சேவையை ஆரம்பித்துள்ளனர்.
செப்டெம்பர் 3, 2026 அன்று இலங்கை பொலிஸாரின் 160 ஆவது ஆண்டு நிறைவைக் குறிக்கும் நிகழ்வுகளின் ஒரு பகுதியாக, ஜனாதிபதியின் அனுசரணையின் கீழ் இந்தப் புதிய சேவை அறிமுகப்படுத்தப்பட்டது. இது எதிர்வரும் செப்டெம்பர் 10 ஆம் திகதி முதல் உத்தியோகபூர்வமாகச் செயற்படவுள்ளது.
இதற்கென ஒரு பிரத்தியேக குறுகிய தொலைபேசி இலக்கம் (short-code number) அறிமுகப்படுத்தப்படும் வரை, பயனர்கள் 011 280 9980 என்ற இலக்கத்தைத் தமது கையடக்கத் தொலைபேசியில் சேமித்து, வாட்ஸ்அப் ஊடாக ஆரம்ப குரல் அழைப்பொன்றை (audio call) ஏற்படுத்துவதன் மூலம் இந்தச் சேவையைப் பெற்றுக்கொள்ள முடியும்.
அந்த அழைப்பு தானாகவே துண்டிக்கப்படும், அதன் பின்னர் பயனரின் தொலைபேசிக்கு ஒரு இணைய இணைப்பு (web link) அனுப்பி வைக்கப்படும். பயனர்கள் வாட்ஸ்அப் மூலம் அந்த இணைப்பைத் திறந்து, “Join Browser” என்பதையும் பின்னர் “Join Meeting” என்பதையும் தெரிவு செய்வதன் மூலம் பொலிஸ் அதிகாரிகளுடன் நேரடி காணொளி அழைப்பில் இணையலாம்.
அவசர சேவைகளை அணுகுவதை மேம்படுத்துவதற்கும், செவித்திறன் குறைந்த சமூகத்தினரின் உரிமைகளைப் பாதுகாப்பதற்குமாகவே இந்த சேவை அறிமுகப்படுத்தப்பட்டுள்ளதாக பொலிஸ் ஊடகப் பிரிவு தெரிவித்துள்ளது.
